إبراهيم عبد الجواد: هذه هي كواليس تفاوض الأهلي مع جوميز منذ شهر يناير

صرح الإعلامي إبراهيم عبد الجواد بأنه احتمال كبير أن يستغنى النادي الأهلي عن مديره الفني مارسيل كولر وذلك بنهاية الموسم ويقوم بتعيين المدير الفني الأسبق لنادي الزمالك مارسيل كولر.

وقال إبراهيم عبد الجواد عبر راديو 9090: “الكلام دة امتى؟ هل الكلام ده دلوقت هل الكلام ده بعد العروض الاخيرة لمارسيل كولر، هل الكلام دة في الفترة الاخيرة اللي ممكن تكون العروض والنتائج اهتزوا فيها؟ لا ،، الكلام دة تحديدا من منتصف واواخر شهر يناير 2025 “.

وتابع: “اللي متابع صفحة ابراهيم عبد الجواد على فيسبوك يوم الأحد 26 أو الاتنين 27 قلت إن الأهلي في احتمال كبير يكون معاه مفاجأة مدوية متخطرش على بال حد وأنا بعلن أهو إن المقصود كان جوزيه جوميز”.

وأضاف: “محدش بتفاجئ إنه ممكن بعد نهاية دوري ابطال افريقيا ونهاية الدوري تلاقي جوميز بيقود الأهلي في كاس العالم للاندية أو يتم التعاقد معاه بعد كاس العالم للأندية”.

وأكمل: “هو واحد من الأسماء المطروحة بقوة وتم التواصل معاه وعندي تفاصيل تانية بس لن أعلن عنها دلوقت فمحدش يستغرب لما يلاقي جوزيه جوميز على رأس القيادة الفنية للنادي الاهلي”.