التعليق الأول من والد “زيزو” بعد إستبعاده نجله “قرار إداري و فني” و عن تأشيرة أمريكا مش شرط يكون الأهلي

علّق والد أحمد سيد زيزو، لاعب الزمالك، على قرار استبعاد نجله من قائمة مباراة الفريق أمام ستيلنبوش الجنوب إفريقي بكأس الكونفدرالية، مؤكدًا أن القرار إداري وفني بالدرجة الأولى، جاء بعد تعليمات من إدارة النادي للجهاز الفني.

و وفقًا لتصريحات والد اللاعب لموقع كورة بلس.

قال والد زيزو : “هما شايفين إن زيزو مالوش أهمية فنية بالنسبة لهم، وقرروا استبعاده. ده قرار فني إداري خاص بيهم، ولو شايفين ده في صالح النادي خلاص، هم أحرار”.

وحول البيان الذي أصدره زيزو عبر حساباته الرسمية، أكد والده أن البيان واضح وصريح، مضيفًا: “إحنا لا مضينا للزمالك ولا للأهلي ولا لبيراميدز. اللي عنده ورق ضدنا يطلعه. لكن البعض ربط تأشيرة السفر لأمريكا بالانتقال للأهلي، وده مش صحيح”.

وأوضح أن استخراج التأشيرة لا يعني التوقيع لأي نادٍ، لكنه مجرد إجراء احترازي تحسبًا لاحتمالية المشاركة في كأس العالم للأندية، قائلًا: “ممكن أكون رايح الترجي، أو العين الإماراتي، أو صن داونز، أو حتى الوداد. ليه الناس ربطوا التأشيرة بالأهلي؟”.

وحول الاتهامات التي تشير إلى أن زيزو يبالغ في مطالبه المالية، أكد والده أن القصة أبعد من الجانب المادي، مضيفًا: “اللي معروض عليه برا أكتر من اللي بياخده في الزمالك بعشر مرات. لكن هو مستني الزمالك، وفضل النادي. المشكلة مش في الفلوس خالص، دي قصة كرامة واحترام متبادل”.

وأضاف: “لو كانت القصة قصة فلوس، كان مشي من يناير، هو عقده منتهي وكان يقدر يوقع لأي نادٍ. لكن هو موقّعش عشان النادي. هل ده تصرف لاعب بيدوّر على فلوس؟”.

اختتم والد زيزو تصريحاته بالإشارة إلى أن استبعاد ابنه من المباريات فيه خسارة للفريق، مضيفًا: “زيزو قوة كبيرة جدًا للفريق، ولما تستغنى عن قوتك دي، النادي هو اللي بيخسر. اللي بيديروا النادي لازم يعرفوا إن المسألة أكبر من خلافات شخصية”.