زيزو عن احتمالية تجميده من الزمالك: يا ريت أنا محتاج راحة

تحدث لاعب الزمالك أحمد سيد زيزو في تصريحات نقلها الإعلامي هاني حتحوت عن توقيه للأهلي وموعد كشف الحقائق.

قال زيزو في تصريحات نقلها هاني حتحوت: “مش همسك قلم وامضي غير لما احسم موضوع الزمالك ودة الي قولته لبابا، مفيش حاجه اسمها توكيل عام في عقود الكرة ممكن في الاعلانات او العقود التجارية إنما توقيع عقد لاعب كرة غير قانوني أن حد يوقعلي وانا موقعتش لأي نادي ابويا لحد مارس مقعدش مع اي نادي احترامًا لرغبتي“.

وعن سؤال هاني حتحوت لزيزو عن ايقافه في حالة التوقيع للأهلي .. أجاب:  “ياريت اتوقف دلوقتي لأني محتاج راحة انا كنت ممكن ازعل لو اتوقفت في يناير ساعة العرض السعودي واتقالي احنا رفضنا عرض الإتفاق السعودي ويا تجدد لاما هنمعنك من اللعب ساعتها كان ٥ شهور كتير لكن دلوقتي انا في أمس الحاجة اني اريح شهر ويخليني نشيط من بداية الموسم مع الفريق الي هروحله لو الزمالك قرر كدة“.

 وأضاف :” انا ناقصلي تكة ولو فعلا زي مبيتقال أن الزمالك هيطلع بيان ويطلعني قدام الجمهور أن انا الي ببيع انا بيان رحيلي عن الزمالك جاهز ومكتوب هنشره انا كمان وهوضح الحقائق، و لحد اخر لحظة سايب الموضوع يبقى من عند الزمالك مش من عندي انا وسايب احتمالية حل الموضوع”.