سيف زاهر يكشف عن مفاجاة مدوية في ملف تجديد “زيزو” للزمالك و توقيعه للأهلي

كشف الإعلامي سيف زاهر عبر قناة أون سبورت و برنامج “ملعب اون” عن تطور جديد في ملف تجديد زيزو للزمالك

و قال : امبارح كابتن ميدو اتكلم فيما يخص زيزو وقال مقدرشي اقولك حاجه غير مع الامضاء وأنه قال إن اللاعب قال وموقعشي ونفس الكلام قاله كابتن حازم والاستاذ عمرو الجنايني..

و تابع : طيب حصل جديد؟ اه النهارده حصل تواصل بيني وبين حد في النادي الأهلي ومش هقول مين ولا الاسماء دلوقتي ، سألته زيزو وقع فعلا للنادي الأهلي ولا ده كلام؟ لاني سمعت إنه مضى في بيت الفلان الفلاني فهل ده صح

و أكمل : الراجل ماكدليش وموضحشي وقالي كل حاجه هتعرفها في وقتها ، قالي اي لاعب هيبقى فري أنا من حقي اقعد اتفاوض معاه وده حقي

و أوضح : عموما انا حسيت من الكلام أن في حاجه في القصه واللي عايز أقوله ، النهارده سمعت أن في شركه اعلانات بتحضر كمبين كبير للعيبه الأهلي واللي عرفته أن زيزو في الجيم وفي تحضيرات للقصه دي

و أردف : الارقام اللي سمعتها في القصه دي أنها أرقام كبيره وفي تحضيره كبيره في القصه دي ، واحد يقولي يا عم ده كلام؟ أقوله الله اعلم كل يوم في كلام

و تابع : رجعت للراجل اللي كنت بكلمه قولتله على اللي سمعته وقالي ايه يعني ، احنا كل شركه بتعمل اعلانات معناها بنقولها لو معانا امام هتبقى بكام يقولي رقم طيب أقوله بن شرقي في القصه كام الرقم بيعلى.. طيب ما قولتله تزيزيجه جيه هتبقى كام يقولي رقم أعلى فطبيعي يبقى في كلام لو زيزو جيه الدنيا هيبقى فيها ايه

و كشف : اديك المفاجأة قالي صفقه أشرف بن شرقي وتريزيجه ولو صفقه زيزو كمان دي كلها صفقات هتحقق أرباح وهتبقى أعلى صفقه هتحقق الأرباح في شركة الأهلي

و أتم : فمن الاخر الأهلي شايف أن صفقه زيزو كلها أرباح وهما ببتعاقدوا مع لاعب فري فأي كان راتبه هو داخل ضمن الأرباح دي وحسبه كبيره لانه فرضا لو عايز يجيب لاعب دلوقتي هيروح يدفع لناديه 2 أو 3 مليون دولار غير راتبه .. فتخيل ده لاعب فري اصلا فهياخد كل ده ليه

الجبهه اللي في الأهلي كلامها حاسه أن زيزو قريب هناك