كولر: حققنا هدفنا.. ومباراة الهلال كانت صعبة

تأهل الفريق الأول للنادي الأهلي للدور نصف النهائي بعد تغلبه على الهلال السوداني بهدف نظيف في إياب الدور ربع النهائي من بطولة دوري أبطال إفريقيا.

ونجح نجم النادي الأهلي إمام عاشور في تسجيل هدف الفوز في الدقيقة 80 بعد تمريرة رائعة من العائد من الإصابة طاهر محمد طاهر ليضعها من فوق الحارس معلنا تقدم الشياطين الحمر.

وقال مارسيل كولر المدير الفني للأهلي في مؤتمر صحفي بعد المباراة: “كانت مباراة صعبة والظروف كانت متغيرة بسبب النجيل الصناعي ، حاولنا التغلب عليها اثناء المباراة والوضع مختلف عن الاوضاع اللي بنلعب فيها والشوط الاول خسرنا كور كتير “.

وتابع: “ودخلنا الخصم في الجيم من خلال الفرص اللي خسرناها كتير ، اتكلمنا في الاستراحة علي النقطة دي ، الاداء اتحسن عن الشوط الاول ، كان الفريق محتاج انه يتمرن اكتر علي النجيل الصناعي عشان ياخد علي الاجواء والكرة بتمشي ازاي عليه ، كسبنا المباراة بهدف رائع تحول سريع لقدام ، سعداء جدا بالتأهل لنصف النهائي”.

وأكد: “الاعتراض كان من الجانبين مش من طرفنا بس كان تقنية الفار موجودة في المباراة واللقطة اللي انت بتشوفها في ارض الملعب ممكن كمان تشوفها في الفار كان لازم الفار يسجل على اكتر من نقطة موجودة لينا كان ممكن يوقف المباراة وتتعاد تاني”.

وزاد: “على الأقل الحكام يكونوا وصلوا لنتيجة ثابتة هل في ركلة جزاء لينا ولا لكن ده محصلش، التقنية دي عامل مساعد للحكام لما بتيح الفرصة للحكم اللي انت بتشوف اللقطة مرتين وتلاتة بحيث انه ياخد القرار السليم في النهاية صعب للحكام واللعبة شغالة بسرعة يكون صعب انهم يقفوا ويشوفوا اللعبة من المنظور الصحيح ، لازم الاستخدام يكون اكتر لتقنية الفار”.

وأكمل: “اتفقنا مع اللاعيبة نقدم كل اللي عندنا من اجل الفوز اوقات مبتقدرش تحقق الهدف لكن النهاردة قدرنا نحقق الهدف وسعداء اننا كسبنا ماتش الذهاب والعودة”.

واختتم: “الاداء مكنش 100% وافضل شيء لكن الاداء كان كافيا للفوز والتأهل،  احنا لعبنا في الماضي ضد صن داونز مباراة الذهاب هتكون في جنوب افريقيا والعودة في القاهرة وهدفنا التأهل وصن داونز بالتاكيد يريد نفس الشيء، لسة في اربع مباريات لازم نعديهم بأمان من اجل التتويج باللقب.“