هشام نصر يطلق نداءً لرئيس الجمهورية: “إنقاذ الرياضة المصرية يبدأ من دعم الفرق الجماهيرية”

وجّه هشام نصر، نائب رئيس نادي الزمالك، نداءً مؤثرًا لرئيس الجمهورية عبدالفتاح السيسي خلال ظهوره مع الإعلامي عمرو أديب عبر قناة MBC مصر، مطالبًا بإعادة النظر في دعم الرياضة المصرية بشكل شامل، وليس في كرة القدم فقط.

وقال نصر: “زمان، كان حلم أي لاعب الوصول لمنتخب مصر، لكن للأسف دلوقتي الطموح اتغيّر، وبقى فيه نادٍ واحد فقط كل اللاعبين عايزين يروحوله”، في إشارة واضحة إلى هيمنة النادي الأهلي على المشهد الرياضي في مختلف الألعاب، وهو ما أيده عمرو أديب بقوله: “كل الناس عايزة تروح الأهلي.. في الكرة والصالات وكل الألعاب”.

وأضاف نائب الزمالك: “المنافسة هي اللي بترفع القيمة السوقية للدوري، واللي بيخلي المتابعين مهتمين. شوف برشلونة كان عنده أزمة مالية، واللي ساعده وقتها كان ريال مدريد، مش لأنهم حبايب، لكن لأن مصلحة الدوري أهم”.

وختم هشام نصر حديثه بنداء مباشر للرئيس السيسي: “زي ما حصل في الفن، لازم كمان يحصل في الرياضة. لازم الدولة تدعم الفرق الجماهيرية زي الزمالك، المصري، الإسماعيلي، الاتحاد، والمحلة.. إحنا مش هنفرح بفريق واحد بس بيكسب، لازم تبقى المنافسة حقيقية علشان ده في مصلحة المنتخب والدوري كله”.