الخيانة والإحتراف والمصلحة وليس المبدأ .. شريف اكرامي يعلق على انتقالات اللاعبين

تحدث حارس مرمى الفريق الأول لكرة القدم بنادي بيراميدز شريف إكرامي عبر حسابه الرسمي على تويتر عن المبادئ ومبدئ احتراف الاعبين.

وقال إكرامي:” نفس القرار ممكن يتقال عليه خيانة من لاعب واحتراف من لاعب تاني مش علشان التصرف مختلف، لكن علشان القميص اختلف، الأحكام بقت حسب المزاج والمصلحة، مش المبدأ”.

وتابع:” تسمع نفس الأشخاص بيقولوا عكس أحكامهم القديمة و التبرير بقى فن بيتفصّل على مقاس الانتماء مش على مقاس الحقيقة، الإدارات بتوجه، والإعلام بيغذي العاطفة، والجمهور في النُص ضحية الجميع”.

وأضاف:” الاحتراف مش كلمة تتقال حسب المصلحة ولا تتشال وقت الغضب، ده الواقع وأساس اللعبة، زي ما النادي حر، اللاعب كمان حر، قراره صح او غلط مش مهم لان مش ده الموضوع، الاهم ان الاختلاف في القرار لا عمره كان خيانة ولا قلة أصل ولا ليه علاقة بضعف أو قوة الانتماء”.

وأكمل:” الموضوع مش قرارات اللاعبين أو الأندية، اللي محتاج يتغير هو النظرة، طريقة التفكير، والأحكام على القرارات نفسها”.